LAG SALISCHINAS
La visiun d’in lag a Salischinas ei gia naschida igl onn 1997. Ussa duei la visiun daventar realitad. Il project, en Svizra unics, s’orientescha consequentamein allas treis dimensiuns da persistenza e vul rinforzar il turissem da stad ella Surselva cun la realisaziun d’in plaz da glamping ed in campadi.
Lag Salischinas
La visiun d’in lag a Salischinas ei gia naschida igl onn 1997. Ussa duei la visiun daventar realitad. Il project, en Svizra unics, s’orientescha consequentamein allas treis dimensiuns da persistenza e vul rinforzar il turissem da stad ella Surselva cun la realisaziun d’in plaz da glamping ed in campadi.
Aventuras ella natira
Nossa visiun per la Surselva
Nus vesein nies avegnir en harmonia cun in ambient viv, en convivenza ed in beinstar dalla societad. Il svilup cunscient da dadens anora promova la qualitad da viver dils indigens e dils hosps. Quei creescha in resun empatic sur generaziuns.
Sco pioniers ella periferia vulein nus formar gl’avegnir a moda exemplarica cun emprender in da l’auter, cun ir novas vias ed entras quei promover la singularitad dalla regiun. Bein ponderau lein nus dar access a quei liug che sa vegnir sentius cun tuts senns.
Nossa habilitad speciala ei da risguardar ils differents basegns entras integraziun e participaziun. Aschia sa vegnir purschiu a tuttas partidas ina plivalur.
En quei connex fidein nus a nossa perseveronza orientada a valurs, a nossa tenuta positiva sco era a nossa buna convivenza.
Nos hosps fascinein e perschuadin nus cun il liug attractiv e las valurs culturalas autenticas. Nus colligein persunas.
Historia dil project
La visiun d’in lag a Salischinas exista gia dapi gl’onn 1997. Dapi 2013 vegn questa idea sviluppada a moda activa entras ina gruppa d’interess. Cun finalisar il plan da master per il «Lag Salischinas» vegn sviluppau in project ch’ei absolutamein unics. La realisaziun dil lag inclus contuorn duei daventar ils proxims onns realitad.
Finamiras generalas dil project
Finamiras turisticas dil project
La natira ed il Rein el center
Il project Lag Salischinas vul revaletar il liug ed augmentar la purschida da loschament ella regiun. Ils hosps dueien vegnir sensibilisai per las cuntradas naturalas e guder numerusas activitads cun ed ella natira. Ils hosps vegnan confruntai activamein cun tematicas sco persistenza, turissem natiral e regiunalitad.
