L’uniun
Lag Salischinas
Actualitads
Radunonza generala dall’Uniun Lag Salischinas
Preziada commembra, preziau commember
Bugen envida la suprastonza dall’Uniun Lag Salischinas alla radunonza generala 2026. La radunonza ha liug gievgia, ils 12 da november 2026 allas 20.00 uras ella halla da gimnastica a Rabius.
Suenter la radunonza offerescha l’uniun in pign apero.
Tractandas
- Avertura e beinvegni
- Elecziun da dumbravuschs
- Approbaziun dil protocol dalla radunonza generala 2025
> protocol dalla radunonza generala 2025 (PDF) - Rapport digl onn
- Quen annual
- Rapport dils revisurs
- Dar descharscha alla suprastonza
- Elecziuns/reelecziuns
a. president
b. suprastonza
c. revisurs - Contribuziuns da commembradi
- Orientaziun entras la vischnaunca ed ils meinaproject
- Varia
Nus sperein sin stedia participaziun e salidein cordialmein.
Per la suprastonza dall’Uniun Lag Salischinas
Il president
Diego Deplazes
Purtaders
Uniun Lag Salischinas
Igl 1. da zercladur 2017 ei l’Uniun Lag Salischinas vegnida fundada. L’uniun ha igl intent da promover e sustener il project Salschinas che consista d’in lag natural da far bogn, ….
La suprastonza
commembers
| president | Diego Deplazes, Rabius |
| actuar | Fabian Collenberg, Sumvitg |
| cassier | Guido Wieland, Sumvitg |
| menader tecnic | Curdin Maissen, Rabius |
| assessurs | Andreas Baselgia, Rabius |
| Gian-Andrea Beer, Rabius | |
| Placi Wenzin, Walenstadt |
Daventar commember
L’Uniun Lag Salischinas dumbra dapresent rodund 850 commembers. Il project Salischinas ei mo realisabels sche la populaziun sustegn il project moralmein e finanzialmein. Cun in grond diember da commembers sa vegnir demonstrau allas autoritads ed allas instanzas politicas l’interessenza publica per il project Salischinas. Commember san ins daventar nuncumplicadamein sin questa pagina.
contribuziuns da commembradi
| commember singul | frs. 30.00 |
| famiglia | frs. 50.00 |
| fatschenta/uniun | frs. 100.00 |
Ei legrass nus zun fetg da beneventar Vus sco niev commember dall’Uniun Lag Salischinas.
Contact uniun
Uniun Lag Salischinas
c/o Vischnaunca Sumvitg
Via Quadras Su 10
7175 Sumvitg
